Skrítin skrúfa

Ég vil ekkert segja en segi samt að einhver ráðherra sem ég vil ekki nefna á nafn en ætla samt að gefa í skyn hver er hafi sent mér skilaboð með leiðum sem ég vil ekki nefna en skilaboðin sem ég vil helst ekki segja hver voru voru mjög ámælisverð. Ef ég verð einhverntíman spurð út í þetta mál nánar þá mun ég ekkert segja, en reyndar er það sem ég hef verið að gera, þ.e. að segja ekkert, en ég vil endilega að þetta ekkert komist í fréttirnar þannig að allir vita að ég er ekkert að segja.

Takk fyrir mig.

Sigurbj...

Athugasemdir

[Allý (IP-tala skráð) 14.1.2009 kl. 09:36]

Ég elska það að geta alltaf verið á sama máli og þú Margrét! Það sem ég elska ekki er að ég er með skál tengdamóður þinnar í bílnum og hef gert það frá því á mán þegar þú skrópaðir frá því að heyra MIG segja ÞÉR sannleikann!

[Vaff, 14.1.2009 kl. 10:22]

Sæl skoðanasystir. Tengdamóðir mín bað mig að spyrja þig af hverju þú vildir ekki skila skálinni? Þetta er skál úr setti sem er búið að vera í fjölskyldunni til fjölda ára. Hvað varðar mánudaginn þá hefði ég aldrei skrópað hefði ég vitað að þú ætlað að segja mér sannleikann. Þetta er reyndar ekki mjög alvarlegt því ég veit hver sannleikurinn er. Talaðir þú eitthvað um tilgang lífsins? Ég er nefnilega ekki alveg komið með það á hreint ennþá.

[Allý (IP-tala skráð) 14.1.2009 kl. 17:01]

Já ég tel mig hafa upplýst um tilgang lífsins á þessum fundi.